کورونا سے صحتیاب افراد میں پلازما عطیہ کرنے کا رجحان بڑھ گیا
کورونا سے صحتیاب افراد میں پلازما عطیہ کرنے کا رجحان بڑھ گیا
ملک بھر میں جہاں ایک طرف کورونا وبا کے نئے مریض سامنے آنے اور اموات کا سلسلہ جاری ہے تو وہاں اطمینان کی بات ہے.
کہ کورونا سے صحت مند افراد کی بڑی تعداد دوسروں کی جان بچانے کے لیے میدان میں آگئی ہے۔
مہلک وبا کورونا وائرس سے صحت یاب افراد پلازما عطیہ کرنے کے لیے ڈاکٹروں سے رجوع کر رہے ہیں۔
یونیورسٹی آف ہیلتھ سائنسز لاہور کے پلازما تھراپی انچارج پروفیسر ڈاکٹر فرید جواد احمدکہنا ہےکہ کہ کورونا وبا سے متاثرہ مریض جو ابھی وینٹی لیٹر پر نہیں گئے،
پلازما لگا کر ان کی جان بچائی جاسکتی ہے، حکومت کو چاہیے کہ وہ کورونا سے صحت مند افراد کو پلازما دینے پر آمادہ کرنے کے لیے آگاہی مہم چلائے۔
انہوں نے کہا کہ اس مقصد کے لیے اگر کسی غریب کی مالی مدد بھی کرنا پڑے تو یہ مہنگا سودا نہیں۔
