لیاری گینگ وار کے سرغنہ عزیر بلوچ پر مشترکہ تحقیقاتی ٹیم (جے آئی ٹی) کی رپورٹ عدالت میں لائی جانی چاہیے۔

وفاقی وزیر بین الصوبائی رابطہ ڈاکٹر فہمیدہ مرزا نے مطالبہ کیا ہے کہ لیاری گینگ وار کے سرغنہ عزیر بلوچ پر مشترکہ تحقیقاتی ٹیم (جے آئی ٹی) کی رپورٹ عدالت میں لائی جانی چاہیے۔

پیپلز پارٹی کی سابق رہنما اور سابق اسپیکر قومی اسمبلی فہمیدہ مرزا کاکہنا تھا کہ پیپلزپارٹی لیاری سے ہمیشہ جیتتی تھی،2008ء کے الیکشن سے پہلے پیپلزپارٹی لیاری میں بہت تقسیم تھی، بقیہ کراچی میں بھی مختلف سیاسی جماعتیں تقسیم تھیں اور ایک دوسرےسے لڑرہی تھیں۔

سابق وزیرداخلہ سندھ ذوالفقار مرزا کی اہلیہ کا کہنا تھا کہ میں نےسنا تھا کہ عزیر بلوچ بھتےلیتا ہے لیکن کیاکوئی عزیربلوچ سے بھی بھتہ لے سکتاتھا؟

جے آئی ٹی کے سیاسی حصے پر پولیس کے دستخط نہیں
انہوں نے مطالبہ کیا کہ عزیر بلوچ کی جے آئی ٹی رپورٹ کو عدالت میں لایاجائے اور سوالات پوچھے جائیں، پوچھا جائے کہ عزیر بلوچ کے سرکی قیمت کیوں ختم کی گئی؟ یہ بھی پوچھا جائے عزیر سے بھتے کون لیتا تھا ؟

ان کا کہنا تھا کہ ذوالفقار مرزا نے اپنی فیملی کو خطرے میں ڈالا،ہماری فیملی نے کھویا ہے، پایا کچھ نہیں ہے،کراچی اور سندھ میں جو بھی واقعات ہوتے تھے ذوالفقار مرزا اپنی ذمہ داری سمجھتے تھے، جیو نیوز کے رپورٹر ولی بابر تو کسی سیاسی جماعت کےنہیں تھے، ان کےلیے ذوالفقارمرزانےکیوں آوازاٹھائی؟