ایرانی فوج کے میزائل حملے میں اپنی فوج کے 40 اہلکار ہلاک

کوئٹہ (امروز نیوز)

خلیج عرب میں جاسک کے ساحل کے قریب اتوار کے روز مشقوں کے دوران ایرانی جنگی بیڑے سے غلطی سے ایک میزائل فائر کیا گیا جس کے نتیجے میں کم سے کم 40 ایرانی فوجی جن میں سینیر افسران شامل ہیں ہلاک ہوگئے۔

العربیہ ڈاٹ نیٹ کے مطابق یہ واقعہ اتوار کے روز اس وقت پیش آیا جب مشقوں کے دوران ایران کے جنگی بیڑے’جماران’ سے ‘کنارک’ کشتی کو کروز میزائل سے غلطی سے نشانہ بنایا گیا۔

پاسداران انقلاب کے مقرب اخبار’جوان’ کے نامہ نگار وحید حاجی پور کا کہنا ہے کہ میزائل لگنے سے کشتی الٹ گئی اور اس پر سوار کم سے کم 40 فوجی ہلاک ہوگئے۔ ان میں سے18 فوجیوں کی لاشیں نکال لی گئی ہیں۔