انگلینڈ کرکٹ بورڈ کے چار رکنی سکیورٹی وفد کاقذافی اسٹیڈیم لاہور کا دورہ

ڈائریکٹر انٹرنیشنل ذاکر خان نے سکیورٹی وفد کو قذافی اسٹیڈیم لاہور اور این ایچ پی کا دورہ کرایا
لاہورانگلینڈ اینڈ ویلز کرکٹ بورڈ کے چار رکنی سکیورٹی وفد نے قذافی اسٹیڈیم لاہور کا دورہ کر کے سکیورٹی سمیت دیگر انتظامات کا تفصیل سے جائزہ لیا ۔

چار رکنی وفد نے نیشنل ہائی پرفارمنس سینٹر لاہور میں بھی سہولیات کا جائزہ لیا۔پی سی بی کے ڈائریکٹر انٹرنیشنل ذاکر خان نے سکیورٹی وفد کو قذافی اسٹیڈیم لاہور اور این ایچ پی کا دورہ کروایا۔سکیورٹی وفد میں رچرڈ سنوبال، رابرٹ لینچ، جان کار اور رگ ڈکیسن شامل تھے۔اس سے قبل مہمان وفد پنڈی کرکٹ اسٹیڈیم، نیشنل اسٹیڈیم کراچی اور ملتان کرکٹ اسٹیڈیم کا دورہ بھی کرچکا ہے۔