بلاول بھٹو کی تقریر کے بعد عمر ایوب کو بات کرنے کی اجازت دینے پر پیپلزپارٹی کا احتجاج

اسلام آباد چیئرمین پیپلزپارٹی بلاول بھٹو کی تقریر کے بعد سپیکر نے اپوزیشن لیڈر عمر ایوب کو بات کرنے کا موقع دیدیا جس پر پیپلزپارٹی کے ارکان سراپا احتجاج ہو گئے۔

نجی ٹی وی چینل جیو نیوز کے مطابق سپیکر قومی اسمبلی سردار ایاز صادق کی زیرصدارت قومی اسمبلی کا اجلاس جاری ہے، اجلاس میں پیپلزپارٹی کے چیئرمین بلاول بھٹو زرداری نے خطاب کیا، خطاب کے دوران اپوزیشن ارکان نے بات کرنے کی کوشش کی تو سپیکر نے انہیں روک دیا۔

تاہم بلاول بھٹو کی تقریر کے بعدسپیکرقومی اسمبلی نے عمر ایوب کو بات کرنے کی اجازت دیدی،عمر ایوب کو بات کرنے کی اجازت دینے پر پیپلزپارٹی ارکان نے احتجاج کیا،سپیکر قومی اسمبلی نے کہاکہ آ پ دل بڑا کریں۔

پیپلزپارٹی کے ارکان اسمبلی سپیکر ڈائس کے قریب پہنچ گئے،حکومتی ارکان پیپلزپارٹی ارکان اسمبلی کو مناتے رہے۔