گندم بیجوں کی غیر منصفانہ تقسیم کیخلاف کوہلو کے زمینداروں کا شدید احتجاج، شاہراہ پر دھرنا

 کوہلو میں گزشتہ روز اوریانی کے زمینداروں نے ضلع میں تحصیلدار جلال کے خلاف احتجاجی مظاہراہ ریکارڈ کرتے ہوئے انہوں نے کوہلو پنجاب شاہراہ اوریانی کے مقام پر ہر طرح کے ٹریفک کیلئے بند کردی ہے جس کی وجہ سے گاڑیوں کی طویل لائنیں لگ گئی اور شاہراہ پر ٹریفک چار گھنٹے تک بلاک رہا ہے اس موقع پر مظاہرین سے خطاب کرتے ہوئے غلام فاروق مری نے کہا ہے کہ ضلع میں کئی ہفتوں سے بیج تقسیم کیا جارہا ہے جو حکومت کی جانب سے ضلع کوہلو میں سیلاب سے متاثرہ زمینداروں کیلئے ایک ریلیف فراہم کیا گیا ہے مگر بدقسمتی سے ایک قانون گو کو تحصیلدار کے اضافی چارج دیکھ کر عوام پر مسالت کیا گیا ہے انہوں نے الزام عائد کرتے ہوئے کہا کہ ضلع میں تحصیلدار جلال اپنے اختیارات کا ناجائز استعمال کرتے ہوئے اپنے من پسند افراد میں راشن کے ساتھ ساتھ اب بیج بھی فراہم کرتے ہیں اور اپنے زمینوں پر بیج منتقل کررہے ہیں جو دیگر زمینداروں کے ساتھ ناانصافی ہے جس کو کسی صورت قبول نہیں کیا جائے گا اس موقع پر بلوچستان نیشنل پارٹی کے ضلعی رہنماء ملک گامن مری اور وڈیرہ رب نواز مری نے مظاہرین سے کامیاب مذکرات کئے ہیں جس کے زمینداروں نے دودن کے اندر بیج فراہم نہ ہونے پر دوبارہ احتجاج کی دھمکی دی ہے جبکہ واضع رہے ضلع میں بیج تقسیم کے خلاف گزشتہ ایک ماہ کے دوران کوہلو میں زمینداروں نے کئی مرتبہ ضلعی انتظامیہ کے سامنے احتجاج ریکارڈ کروایا ہے تاہم ضلع میں زمینداروں کیلئے بیج ریلیف ضلعی انتظامیہ کی غلط حکمت عملی کی وجہ سے درد سر بن گیا ہے۔