پاکستان میں آج 24 جون 2025 کو سعودی ریال کی قیمت

کراچی آج بروز منگل 24 جون 2025 کو پاکستان کی اوپن مارکیٹ میں سعودی ریال کی خریداری کی قیمت 75اعشاریہ 35 روپے جبکہ فروخت کی قیمت 76اعشاریہ 15 روپے ریکارڈ کی گئی ہے۔

بینکنگ چینلز یعنی انٹربینک مارکیٹ میں سعودی ریال کی خرید 75اعشاریہ 58 روپے اور فروخت 75اعشاریہ 71 روپے میں کی جا رہی ہے۔

پاکستان میں سعودی ریال اور روپے کے مابین شرح مبادلہ ان چند کرنسیوں میں شامل ہے جنہیں روزانہ کی بنیاد پر سب سے زیادہ دیکھا اور فالو کیا جاتا ہے۔

اس کی بنیادی وجہ سعودی عرب سے آنے والی ترسیلات زر ہیں، جو پاکستان کے زرمبادلہ کے ذخائر میں اہم کردار ادا کرتی ہیں۔

موجودہ خریداری ریٹ کے مطابق 500 سعودی ریال کے بدلے تقریباً 37ہزار785 پاکستانی روپے حاصل کیے جا سکتے ہیں، جو گلف ممالک سے رقم بھیجنے والے پاکستانیوں کے لیے ایک تسلی بخش قدر ہے۔

اسٹیٹ بینک آف پاکستان کے تازہ ترین اعداد و شمار کے مطابق جولائی 2024 سے مئی 2025 کے دوران بیرون ملک پاکستانیوں کی ترسیلات زر میں 28 اعشاریہ 8 فیصد کا نمایاں اضافہ ہوا ہے جس کے تحت اس مدت میں کل ترسیلات کا حجم 34اعشاریہ 9 ارب ڈالر تک پہنچ گیا ہے۔

صرف مئی 2025 میں 3 اعشاریہ 69 ارب ڈالر کی ترسیلات موصول ہوئیں، جو رواں مالی سال کی سب سے زیادہ ماہانہ رقم ہے۔

سعودی عرب اس فہرست میں سرفہرست رہا، جہاں مقیم پاکستانی کارکنان نے 913اعشاریہ 3 ملین ڈالر پاکستان منتقل کیے، جبکہ متحدہ عرب امارات سے 754اعشاریہ 2 ملین ڈالر موصول ہوئے۔

ان اعداد و شمار سے ظاہر ہوتا ہے کہ خلیجی ممالک میں مقیم پاکستانیوں کی مالی شراکت پاکستان کی معیشت کے لیے ریڑھ کی ہڈی کی حیثیت رکھتی ہے۔

ترسیلات کی اس مضبوط رفتار اور سعودی ریال کے مستحکم ریٹ نے نہ صرف خاندانوں کو سہارا دیا ہے بلکہ پاکستان کے زرمبادلہ کے ذخائر اور مالیاتی استحکام میں بھی مثبت کردار ادا کیا ہے۔