جام کمال کے عدام اعتماد تحریک اپوزیشن متحد

کوئٹہ ”
اپوزیشن نے ناراض حکومتی ایم پی ایز سے رابطے کا فیصلہ کرلیا ہے۔وزیراعلیٰ بلوچستان کے خلاف تحریک عدم اعتماد لانے کے لیے اپوزیشن جماعتیں متحرک ہوگئیں ہیں۔جمیعت علماء اسلام اور بی این پی کے درمیان بلوچستان حکومت کے مستقبل کے حوالے سے رابطے ہوئے ہیں۔دونوں جماعتوں کے درمیان بلوچستان کی حکومت کے خلاف تحریک عدم اعتماد لانے پر بات چیت ہوئی۔

بتایا گیا ہے کہ کچھ ارکان بھی جام کمال کے رویہ پر سخت نالاں ہیں۔اگر حکومت کی بات کی جائے تو وہ بھی شدید مشکلات میں ہے۔

اختر مینگل کی حکومت سے علیحدگی کے بعد ایک اور اتحادی نے دھمکی دے دی تھی۔ جمہوری وطن پارٹی نے بھی حکومت کے لئے مشکلات پیدا کرنے کا فیصلہ کرتے ہوئے حکومت کو ایک ہفتے کا وقت دیا ہے;

اس حوالے سے جمہوری وطن پارٹی کی کور کمیٹی نے اجلاس میں فیصلہ کیا جس کے بعد بیانیہ جاری کیا گیا کہ ہفتے میں معاہدے پر عمل کیا جاتا ہے تو ٹھیک ورنہ حکومت سے علیحدہ ہو جائیں گے۔

اس حوالے سے بات کرتے ہوئے رہنما جمہوری وطن پارٹی شاہ زین بگٹی کی جانب سے کہا گیا کہ حکومت نے ہم سے کئے گئے ایک وعدے کو بھی پورا نہیں کیا، اس لئے حکومت کو ایک ہفتے کا وقت دے رہے ہیں،

ہمارے ساتھ کئے گئے وعدوں کو پورا کر دیں، ورنہ ہم اتحاد ختم کر دیں گے۔ یاد رہے کہ بی این پی مینگل نے پاکستان تحریک انصاف سے علیحدگی کا اعلان کر دیا تھا۔
ایوان میں خطاب کرتے ہوئے اختر مینگل کی جانب سے اتحاد ختم کرنے کا اعلان کرتے ہوئے کہا گیا تھا کہ پاکستان تحریک انصاف نے ہمارے ساتھ کئے ہوئے معاہدے کو پورا نہیں کیا۔

بات کرتے ہوئے ان کا کہنا تھا کہ اگست 2018 کو پہلا معاہدہ ہوا،شاہ محمود،جہانگیرترین اوریارمحمدرند نے دستخط کئے، ہم نے2 سال تک اس معاہدے پرعملدرآمد کا انتظارکیاہے۔

ان کی جانب سے کہا گیا ہے کہ ہم مزید انتظار کرنے کو بھی تیار ہیں، لیکن حکومت کچھ کرے تو سہی، وہ لوگ کرتے کچھ بھی نہیں ہیں۔

اپنے ساتھ کئے گئے معاہدوں پر بات کرتے ہوئے اختر مینگل کی جانب سے ایوان میں سوال بلند کیا گیا ہے کہ ان دونوں معاہدوں میں کوئی بتادےکہ کوئی بھی ایک غیرآئینی مطالبہ ہے؟ کیوں آج تک اس پر عمل درآمد نہیں ہوا