پی ایس ایل میچوں میں دلکش مناظر کرکٹ کی جان ہیں،وقار یونس

پی ایس ایل کو کرکٹ کا اسپرٹ قائم رکھنے کا پورا پورا کریڈٹ جاتا ہے، بولنگ کوچ
لاہور (امروز ویب ڈیسک)قومی کرکٹ ٹیم کے بولنگ کوچ وقار یونس بھی شاہین شاہ آفریدی کے بابر اعظم کو آو¿ٹ کرنے اور پھر گلے لگانے کے دلکش منظر سے لطف اندوز ہوئے بنا نہ رہ سکے۔

وقار یونس نے پی ایس ایل کے کانٹے دار میچوں کے دوران ایسے ہی جذباتی اور نوک جھوک کے لمحات کا تذکرہ اپنی حالیہ سوشل میڈیا پوسٹ میں کیا۔انہوں نے قومی کرکٹ ٹیم کے کپتان بابر اعظم اور قومی کرکٹ ٹیم کے نمبر ون بولر شاہین شاہ آفریدی کی ایک تصویر اپنے ٹوئٹر اکاو¿نٹ کی زینت بنائی۔

وقار یونس نے ساتھ لکھا کہ مجھے اس سے بہتر تصویر دکھادیں، ایسے لمحات پی ایس ایل کی جان ہیں۔انہوں نے کہا کہ پی ایس ایل کو کرکٹ کا اسپرٹ قائم رکھنے کا پورا پورا کریڈٹ جاتا ہے۔