برطانیہ کا اسرائیل سے یہودی بستیوں کی تعمیر روکنے کا مطالبہ

مقبوضہ فلسطینی علاقوں میںیہودی بستیاں بین الاقوامی قانون کے تحت غیر قانونی ہیں،برطانوی دفتر خارجہ
لندن (امروز ویب ڈیسک) برطانیہ نے اسرائیلی حکومت سے مقبوضہ بیت المقدس اور مغربی کنارے میں یہودی بستیوں کی تعمیر کو فوری طور پر بند کرنے کا مطالبہ کیاہے۔غیرملکی خبررساں ادارے کے مطابق برطانوی دفتر خارجہ نے ایک بیان میں کہا کہ مقبوضہ فلسطینی علاقوں میں 780 گھروں کی تعمیرکا اسرائیلی اعلان برطانیہ کے لیے تشویش کا باعث ہے۔بیان میں کہا گیا کہ مقبوضہ فلسطینی علاقوں میںیہودی بستیاں بین الاقوامی قانون کے تحت غیر قانونی ہیں۔ فلسطینی علاقوں میں اسرائیلی توسیع پسندی اور تعمیراتی سرگرمیوں کے نتیجے میں تنازع کے منصفانہ حل اور دو ریاستی حل کی کوششوں کو نقصان پہنچا رہی ہیں۔