چئیرمین پی سی بی کی فیفا کے صدر سے ملاقات، پاکستان کے دورے کی دعوت

واشنگٹن چیئرمین پاکستان کرکٹ بورڈ محسن نقوی کی فٹبال کی عالمی تنظیم فیفا کے صدر سے ملاقات ہوئی ہے۔فیفا کے صدر نے محسن نقوی کی پاکستان کا دورہ کرنے کی دعوت قبول کرلی۔

ایکس پر اپنے بیان میں محسن نقوی نے کہا کہ فیفا صدر سے ملاقات میں پاکستان میں کھیلوں کی صلاحیتوں پر تبادلہ خیال ہوا۔

محسن نقوی اور عالمی تنظیم فیفا کے صدر کے درمیان فٹبال کی مقبولیت میں اضافے پر بھی بات چیت ہوئی، فیفا صدر کو پاکستان دورے کی دعوت دی جو انہوں نے قبول کرتے ہوئے جلد پاکستان کا دورہ کرنے کی یقین دہانی کرائی۔