فیلڈ مارشل عاصم منیر نے میلی آنکھ سے دیکھنے والے بھارت کی آنکھیں نکال دیں: گورنر سندھ

کراچی گورنر سندھ کامران ٹیسوری کا کہنا ہے کہ آرمی چیف جنرل عاصم منیر کے فیلڈمارشل بننے سے بھارت کی شکست پر مہر لگ گئی۔
نجی ٹی وی جیو نیوزکے مطابق اپنے بیان میں کامران ٹیسوری نے کہا کہ فیلڈ مارشل نے اوورسیز کنونشن میں بھارت کو جو کہا تھا وہ سچ ثابت کر کے دکھایا، فیلڈ مارشل نے میلی آنکھ سے دیکھنے والے بھارت کی آنکھیں نکال دیں۔
انہوں نے کہا کہ فیلڈمارشل نے پاکستان کو ترقی یافتہ ممالک جیسا دفاع فراہم کیا، فیلڈمارشل کی قیادت میں ایس آئی ایف سی ملک کو معاشی طورپر مضبوط کرے گا۔گورنر سندھ کامران ٹیسوری نے مزید کہا کہ جنرل عاصم منیر کے فیلڈ مارشل بننے سے بھارت کی شکست پر مہر لگ گئی ہے۔