شام میں دو کار بم دھماکوں میں بچوں سمیت 13 افراد ہلاک،30زخمی ہوگئے
دمشق(امروز ویب ڈیسک) شام کے شمالی علاقے میں یکے بعد دیگرے ہونے والے 2 کار بم دھماکوں میں 13 افراد ہلاک اور متعدد زخمی ہوگئے ہلاک اور زخمی ہونے والوں میں بچے بھی شامل ہیں۔میڈیا رپورٹ کے مطابق شام کے شمال مشرقی شہر الحسکہ کے قصبے اٰزاز میں یکے بعد دیگرے دو کار بم دھماکے ہوئے جن میں مجموعی طور پر 13 افراد ہلاک اور 30 زخمی ہوگئے۔دوسری جانب اسی علاقے میں کردوں کے حامی سیریئن ڈیموکریٹک فورس کے اہلکاروں نے مقامی حکومت کے حامی مظاہرین پر فائرنگ کردی جس کے نتیجے میں ایک شخص ہلاک اور 3 زخمی ہوگئے۔دو روز قبل بھی شام کے صنعتی ایریا عفرین میں کار بما دھماکے میں 6 افراد ہلاک اور 25 زخمی ہوگئے تھے جس کی ذمہ داری ترک حکومت نے کردوں کی انتہا پسند جماعت پر عائد کی تھی۔دونوں دھماکے ترکی کے زیر انتظام علاقوں میں ہوئے ہیں۔
