حارث سہیل ون ڈے کرکٹ کا بیٹسمین نہیں، امام الحق کو ڈراپ کردینا چاہیے،عبدالرزاق

لاہور (امروز نیوز) قومی ٹیم کے سابق آل راو¿نڈر عبدالرزاق نے حارث سہیل کی ٹیم میں سلیکشن پر سوالیہ نشان اٹھاتے ہوئے کہا ہے کہ حارث سہیل ون ڈے کرکٹ کا بیٹسمین ہی نہیں اور سلیکٹر انہیں ورلڈ کپ میں لے گئے ہیں اور اوپننگ بلے باز امام الحق کو ٹیم سے ڈراپ کردینا چاہیے۔ایک انٹرویومیں دس سال انہوں نے زرعی ترقیاتی بینک کی قیادت کی، البتہ کبھی حارث سہیل کو محدود اوورز کے مقابلوں کے لئے منتخب نہیں کیا، حیرت ہے کہ سلیکٹرز نے انہیں ورلڈ کپ کی ٹیم میں منتخب کر لیا ہے۔39 سالہ عبدالرزاق نے کہا کہ انگلینڈ کے خلاف مقابلے کےلئے حارث سہیل کو ٹیم میں شامل کرنے کے بجائے شعیب ملک کو موقع دینا چاہیے۔ پاکستان کے لئے تین ورلڈ کپ کھیلنے والے ٹیسٹ آل راو¿نڈر کے مطابق محمد حفیظ اور فخر زمان کے ساتھ اننگز کی شروعات کرنا چاہیے اور امام الحق کو ٹیم سے ڈراپ کردینا چاہیے۔ پاکستان کے لیے 265 ون ڈے کھیلنے کا تجربہ رکھنے والے عبدالرزاق نے کہا کہ آصف علی ایک بہترین تیز کھیلنے والا بیٹسمین ہے، جسے نمبر چھ پر کھلانا مناسب رہے گا۔