"ثنا یوسف کا قتل، مختلف شہروں میں 11چھاپے، 37لوگوں سے تفتیش، گرفتار ملزم پہلے بھی ملاقات کی کوشش کرچکا: پولیس

اسلام آباد ٹک ٹاکر ثنا یوسف کی اپنے آبائی علاقے چترال میں تدفین کردی گئی ہے جبکہ مرکزی ملزم بھی پولیس کی تحویل میں آچکا ہے ، اب انکشاف ہوا ہے کہ پولیس نے مختلف شہروں میں 11چھاپے مارے تھے ۔
آئی جی اسلام آباد علی ناصر رضوی نے بتایاکہ ثنایوسف قتل کیس میں 37لوگوں سے تفتیش کی گئی، اسلام آباد،فیصل آباد سمیت مختلف شہروں میں 11 چھاپے مارے۔انھوں نے کہا کہ ملزم پہلے بھی 7سے 8 گھنٹے تک ملاقات کی کوشش کرتا رہا لیکن کامیابی نہ ہوسکی، اب واردات کے روز اسے موقع مل گیا ، ملزم عمر مقتولہ کے گھر کےاندر گھسا اور فائرنگ کی۔

اے آر وائے نیوز کے مطابق انہوں نے بتایا کہ مرکزی ملزم عمر 22سال کا لڑکا ہے جسے فیصل آباد سے گرفتارکیاگیا، ملزم عمر میٹرک پاس ہے ،اسلحہ اور مقتولہ کا آئی فون برآمد کیا، بارباردوستی کی پیشکش مسترد ہونے پر ملزم ثنا یوسف کےگھر تک پہنچا اور باربار کوشش کی کہ ملاقات ہوسکے ۔