سندھ حکومت کا عید کے اجتماعات اور گلے ملنے پر پابندی لگانے کا فیصلہ

کوئٹہ (امروز نیوز)

کرونا وائرس کے باعث سندھ حکومت نے عید کی نماز اور گلے مل کر عید مبارک دینے پر پابندی عائد کرنے کا فیصلہ کر لیا۔

جی این این نیوز سے حاصل معلومات کے مطابق سندھ حکومت نے عید کے لئے بڑے اجتماعات پر پابندی عائد کرنے پر بھی غور شروع کرتے ہوئے، شہریوں کو عید منانے آبائی علاقوں میں نہ جانے کا مشورہ دیا ہے۔

اس سلسلے میں صوبائی وزیر ناصر شاہ نے کہا ہے کہ کرونا وائرس کے باعث لوگوں کو گلے مل کر عید مبارک نہیں دینی چاہیے جبکہ نماز عید کے لئے بڑے اجتماعات پر بھی پابندی ہونی چاہیے۔
ناصر شاہ کا کہنا تھا کہ نماز عید کے لئے سندھ حکومت ایس او پیز جاری کرے گی، ایس او پیز کے تحت نماز عید اور بڑے اجتماعات ہو سکیں گے۔ عید منانے کے لئے لوگ اپنے آبائی علاقوں میں نہ جائیں، جو لوگ جہاں ہیں وہ وہیں عید منائیں۔