آلو کے پراٹھے اور قیمے والے نان۔۔۔۔
(امروز نیوز)
پاکستان کرکٹ ٹیم نے دورہ انگلینڈ میں 9 ہفتے بائیو سکیور ماحول میں گزارے جو کہ آسان نہیں تھا۔
کورونا کی عالمی وبا کی وجہ سے کھلاڑی صرف ہوٹل اور گراؤنڈ تک محدود رہے اور انہیں باہر گھومنے پھرنے کی اجازت نہیں تھی۔
قومی کرکٹرز 9 ہفتے غیر معمولی حالات میں گزارنے کے بعد اب پاکستان میں اہل خانہ اور دوستوں کے ساتھ وقت گزار رہے ہیں اور منفرد خواہشات بھی پوری کر رہے ہیں۔
کچھ نیا کرنیکی کوشش؟ شادی پر اس خطرناک فوٹو کا انجام کیا ہوا؟
بائیں ہاتھ کے فاسٹ بولر وہاب ریاض سمجھتے ہیں کہ انگلینڈ کا دورہ پوری ٹیم کے لیے انتہائی مشکل تھا لیکن وہ سب گھر واپس آ چکے ہیں اور خاندان کے ساتھ وقت انجوائے کر رہے ہیں۔
وہاب ریاض کا کہنا ہے کہ وہ واپسی پر طرح طرح کے کھانے کھا رہے ہیں۔ “میں کبھی آلو والے پراٹھے کھاتا ہوں تو کبھی قیمے والے نان کھا رہا ہوں۔۔۔فیملی کے ساتھ وقت گزار رہا ہوں اور بچوں کے ساتھ کھیل کود کر رہا ہوں۔”
لیگ اسپنر شاداب خان کا کہنا ہے کہ ان کی ایک لمبے عرصے کے بعد انگلینڈ سے واپسی ہوئی اس لیے وہ زیادہ سے زیادہ وقت فیملی کے ساتھ گزار رہے ہیں۔
شاداب خان نے بتایا کہ وہ حارث رؤف اور محمد موسی کے ساتھ سیر کے لیے مری بھی گئے۔
