یورپی یونین سفیر کی 75 ویں یوم آزادی پر پاکستان کو شاندار انداز میں مبارکباد

پاکستان کے 75 ویں یوم آزادی کے موقع پر یورپی یونین کی سفیر ڈاکٹر رینا کیونکا نے پاکستانیوں کو شاندار انداز میں مبارکباد دی ہے۔

یورپی یونین کی سفیر نے ایک ویڈیو سوشل میڈیا پر شیئر کی ہے جس میں وہ Trumpet پر قومی ترانے کی دھن بجاکر پاکستان سے اپنی محبت کا اظہار کررہی ہیں۔

ڈاکٹر رینا کیونکا نے یوم آزادی کی مناسبت سے پاکستان کے پرچم کے رنگوں والا لباس زیب تن کرکے پاکستان کے ساتھ اپنے لگاؤ اور محبت کا اظہار کیا۔

انہوں نے پاکستان اور یورپی یونین کے تعلقات کو 60 برس مکمل ہونے پر دونوں کے درمیان تعلقات کو مزید گہرا کرنےکےعزم کا اظہار کیا۔