قومی سلامتی پالیسی بن رہی ہے اور پارلیمنٹ بے خبر ہے، قوم کا مستقبل اندھیرے میں دھکیلا جا رہا ہے، مولانا فضل الرحمن

پالیسی کی بنیاد پرکشمیرکے ساتھ کھیل کھیلا گیا، عام آدمی کی قوت خرید ختم ہوگئی ہے، عمران پہلے ناجائز حکمران تھے اب نالائق حکمران بھی ہیں، خطاب
مانسہرہ (امروز ویب ڈیسک)جمعیت علمااسلام (جے یو آئی)کے سربراہ مولانا فضل الرحمان نے کہا ہے کہ قومی سلامتی پالیسی بن رہی ہے اور پارلیمنٹ بے خبر ہے، ہماری قوم کا مستقبل اندھیرے میں دھکیلا جا رہا ہے،پالیسی کی بنیاد پرکشمیرکے ساتھ کھیل کھیلا گیا، عام آدمی کی قوت خرید ختم ہوگئی ہے، عمران پہلے ناجائز حکمران تھے

اب نالائق حکمران بھی ہیں۔پیغام اسلام کانفرنس سے خطاب کرتے ہوئے مولانا فضل الرحمان نے کہا کہ سکیورٹی پالیسی کی بنیاد پرکشمیرکے ساتھ کھیل کھیلا گیا، عام آدمی کی قوت خرید ختم ہوگئی ہے، عمران پہلے ناجائز حکمران تھے اب نالائق حکمران بھی ہیں۔مولانا فضل الرحمان نے کہا کہ بلدیاتی انتخابات کےاگلےمرحلے میں بھی گو نیازی ثابت کرکے دکھاناہے، 5 وزیر خزانہ تبدیل ہوئے مگر اسٹیٹ بینک کے گورنرکو نہیں ہٹا رہے

،کیونکہ اسٹیٹ بینک کا گورنر آئی ایم ایف کا ایجنٹ ہے۔انہوںنے کہاکہ اسلام میں ب±رائی روکنے کا ذمہ دار حکمران ہوتا ہے، ہمارے ہاں برائی کی جڑ ہی حکمران ہیں، برائیوں کی جڑوں کو اکھاڑ پھینکنا پڑتا ہے۔انہوں نے کہا کہ قوم کے اجتماعی مفادکے لیے علما کو متحد ہوکرکام کرنا ہوتا ہے، قومی معاملات میں ایک فرد کی رائے کافی نہیں، پاکستان میں جے یوآئی کو عوام کی بھرپور حمایت اور اعتماد حاصل ہے۔