میکسیکو: نیوی کا ہیلی کاپٹر گرنے سے 14 اہلکار ہلاک

میکسیکو میں نیوی کا ہیلی کاپٹر گرنے سے 14 اہلکار ہلاک جبکہ ایک زخمی ہوگیا، حادثہ ایک بڑے ڈرگ اسمگلر کی گرفتاری کےبعد پیش آیا۔

بحریہ کے حکام نے ایک بیان میں کہا کہ جمعہ کو ایک بلیک ہاک ہیلی کاپٹر سینالووا میں ساحلی شہر لاس موچیس گر کر تباہ ہوا جس کے نتیجے میں 14 افراد ہلاک ہوگئے، بلیک ہاک ہیلی کاپٹر میں گر کر تباہ ہوا۔

حکام نے بتایا کہ ہیلی کاپٹر میں 15 اہلکار سوار تھے جن میں سے 14 کی موت ہوگئی، ایک اہلکار کو طبی امداد دی جا رہی ہے۔

میکسیکو کے صدر اینڈریس مینوئل لوپیز اوبراڈور نے کہا کہ انہیں نقصان پر افسوس ہے اور انہوں نے سوشل میڈیا پر مرنے والوں کے اہل خانہ سے تعزیت کا اظہار کیا۔

میکسیکو کی بحریہ کے مطابق بدنام منشیات اسمگلر کارو کوئنٹرو 1985 میں امریکی ایجنٹ کے قتل میں ملوث تھا۔