گال ٹیسٹ،شاہین آفریدی انجرڈ،ٹانگ کا ایم آرآئی کروالیا گیا

پاکستان کے فاسٹ بالر سری لنکا کے خلاف پہلے ٹیسٹ میچ میں انجری کا شکار ہوگئے۔

پہلے ٹیسٹ میچ کے تیسرے روز شاہین شاہ آفریدی نے گیند پکڑنے کے لیے ڈائیو لگائی تو ان کی ٹانگ میں کھنچاؤ آگیا۔

شاہین آفریدی کو ابتدائی طور پر آئس ٹریٹمنٹ دی گئی تاہم ان کا درد کم نہ ہوا تو ایم آر آئی کروایا گیا۔

فاسٹ بولر شاہین آفریدی کی رپورٹس کا مینجمنٹ کو انتظار ہے تاہم شاہین شاہ کو چلنے میں دشواری کا سامنا ہے۔

گال ٹیسٹ میں سری لنکا کی پہلی اننگز میں شاہین شاہ نے 14 اوورز میں 4 وکٹ حاصل کئے تھے۔ دوسری اننگز میں شاہین شاہ نے 7 اوورز کروائے اور کوئی وکٹ ان کے حصے میں نہیں آئی۔