سوناکشی سنہا کی شادی شدہ زندگی سے متعلق بے باک گفتگو، ویڈیو سوشل میڈیا پر وائرل

ممبئی بالی وڈ اداکارہ سوناکشی سنہا کی تازہ ویڈیو بحث کا موضوع بنی ہوئی ہے، اس ویڈیو میں سوناکشی نے اپنی ازدواجی زندگی، شوہر ظہیر اقبال کے ساتھ تعلقات، سوشل میڈیا ٹرولنگ اور زندگی میں پیش آنے والے عجیب تجربات کے بارے میں بے باکی سے گفتگو کی ہے۔

سوناکشی نے بات چیت کے دوران ظہیر سے شادی کے وقت کا تفصیلی ذکر کیا اور بتایا کہ ظہیر نے ان کے لیے کیسا دلکش اور رومانوی انداز اپنایا۔ انہوں نے کہا کہ ان کا شاندار اور دل کو چھو لینے والا پروپوزل واقعی کبھی نہ بھولنے والا لمحہ تھا۔

انہوں نے بتائی کہ سوشل میڈیا پر آئے دن ان کی شادی، وزن اور انداز پر طنزیہ تبصرے کیے جاتے ہیں۔ اس کے باوجود سوناکشی یہ واضح کرتی ہیں کہ ایسے منفی تاثرات سے وہ متاثر نہیں ہوتیں بلکہ اپنی خودی پر فخر کرتی ہیں۔

دلچسپ پہلو یہ ہے کہ سوناکشی نے اپنے گھر میں محسوس ہونے والی پراسرار، ماورائی سرگرمیوں کے بارے میں بھی کھل کر بات کی۔ ان حادثاتی واقعات نے سوناکشی کو خوفزدہ کیا لیکن ساتھ ہی ان کے فیصلے میں انہوں نے خود اعتمادی اور مثبت فکر کو ترجیح دی۔

پورے انٹرویو میں سوناکشی ایک جامع پیغام دیتی ہیں کہ زندگی میں خود کو اصل طور پر قبول کرنا، منفی رویوں سے لاتعلق رہنا اور چھوٹی خوشیوں سے لطف اندوز ہونا ضروری ہے۔