لنکا شائر کاؤنٹی کی مسلم کمیونٹی کیلئے خصوصی افطار، حسن علی کی بھی شرکت

0 25

لنکا شائر کاؤنٹی کرکٹ کلب نے رمضان میں مسلم کمیونٹی کے لیے خصوصی تقریب کا انعقاد کیا جس میں قومی ٹیم کے فاسٹ بولر حسن علی کو بھی مدعو کیا گیا۔

لنکاشائر کاؤنٹی کی جانب سے مسلم کمیونٹی کے لیے افطار اولڈ ٹریفورڈ کرکٹ گراؤنڈ میں رکھی گئی، افطار سے قبل حسن علی نے نوجوان کرکٹرز کے ساتھ پریکٹس سیشن میں حصہ لیا۔

حسن علی نے لنکاشائر کے تین کلبوں کے نوجوان کھلاڑیوں کے ساتھ پریکٹس سیشن میں حصہ لیا اور بات چیت کی۔

حسن علی نے لنکاشائر کی مسلم کمیونٹی کے ساتھ افطار کی کرکٹ گراؤنڈ میں اکٹھے نماز ادا کی۔

اس موقع پر حسن علی کا کہنا تھا کہ مقامی مسلم کمیونٹی کو رمضان کے مہینے میں تقریب میں شامل کرنا لنکاشائر کا ایک اچھا اقدام ہے، لنکاشائر میں کرکٹ کے لیے بہت ٹیلنٹ اور مستقبل کے باصلاحیت کھلاڑی موجود ہیں۔

قومی ٹیم کے فاسٹ بولر کا کہنا تھا کہ لنکاشائر میں نوجوان کھلاڑیوں کے ساتھ یہاں وقت گزارنا میرے لیے بہت اچھا لمحہ ہے۔

اس سے قبل حال ہی میں لارڈز کرکٹ گراؤنڈ میں تاریخ میں پہلی بار افطار کا اہتمام کیا گیا تھا۔

Leave A Reply

Your email address will not be published.