پارلیمانی کمیشن قائم کرنا خوش آئند عمل،امید ہے صوبائی حکومت لاپتہ افراد کی بازیابی کیلئے اپنا کردار ادا کریگی، نصراللہ بلوچ

کوئٹہ  وائس فار بلوچ مسنگ پرسنز کے چیرمین نصراللہ بلوچ نے اپنے جاری کردہ بیان میں کہا کہ لاپتہ افراد سے متعلق بلوچستان ہائی کورٹ کے حکم پر صوبائی حکومت کا پارلیمانی کمیشن قائم کرنا خوش آئند اور مثبت عمل ہے اور صوبائی حکومت کے اس اقدام کو ہم قدر کی نگاہ سے دیکھتے ہیں امید کرتے پارلیمانی کمیشن اپنا کام جلد شروع کرے گا اور 2019 اور 2020 میں جس طرح صوبائی حکومت نے لاپتہ افراد کی بازیابی اور جبری گمشدگی کے روک تھام میں اپنا کردار ادا کیا تھا، اسی طرح صوبائی حکومت اب بھی لاپتہ افراد کی بازیابی کو یقینی بنانے اور جبری گمشدگیوں کے روک تھام کے ساتھ لاپتہ افراد کے اہلخانہ کو درپیش مشکلات کے حل کےحوالے سے اپنا کردار ادا کریگی۔