خلاہ میں دو مصنوعی سیارے ٹکرانے سے بال بال بچ گئے

کوئٹہ (امروز نیوز)
خلا میں 53 ہزار کلو میٹر فی گھنٹہ کی رفتار سے سفر کرنے والے دو ناکارہ مصنوعی سیارے ٹکرانے سے بال بال بچ گئے ہیں۔ 
سائنس دانوں نے خبردار کیا ہے کہ اگر ایسا نہ ہوتا تو خلا میں بڑی تباہی آسکتی تھی۔ سائنس دانوں کے مطابق اگر دونوں مصنوعی سیارے آپس میں ٹکرا جاتے تو ان کا ملبہ خلا میں دور دور تک پھیل جاتا اور اگر یہ ملبہ زمین پر گرتا تو اور بھی زیادہ خطرناک ثابت ہو سکتا تھا۔
انفرا ریڈ فلکیاتی مصنوعی سیارہ جو ایک خلائی دوربین ہے، 1983 میں ناسا، برطانیہ اور ہالینڈ کے مشترکہ منصوبے کے تحت خلا میں بھیجا گیا تھا جس کا مشن صرف 10 ماہ تک جاری رہا۔

تجرباتی امریکی مصنوعی سیارے جی جی ایس ای 4 کو امریکی فضائیہ نے 1967 میں لانچ کیا تھا۔

دونوں سیاروں نے امریکی شہر پِٹسبرگ سے 900 کلو میٹر کے فاصلے پر عالمی وقت کے مطابق بدھ کی رات 11 بج کر 39 منٹ پر ایک دوسرے کو کراس کیا۔