اٹلی میں کورونا وائرس سے مزید 349 افراد ہلاک، اموات 2100 سے تجاوز

کوئٹہ (امروز نیوز)

اٹلی میں کورونا وائرس کے وار مزید تیز ہوتے جارہے ہیں اور گزشتہ 24 گھنٹے میں مزید 300 سے زائد افراد زندگی کی بازی ہار گئے ہیں۔

غیرملکی خبررساں ادارے کے مطابق یورپی ملک اٹلی میں گزشتہ 24 گھنٹوں کے دوران مزید 3233 افراد میں کورونا وائرس کی تصدیق ہوئی ہے جس کے بعد متاثرہ افراد کی تعداد 27980 تک جاپہنچی ہے۔

اٹلی میں کورونا وائرس کے زیرعلاج مریضوں کی تعداد چین سے بھی کئی گنا بڑھ چکی ہے اور اس وقت 23073 افراد زیر علاج ہیں جبکہ چین میں اِس وقت زیر علاج مریضوں کی کل تعداد 9848 ہے۔

رپورٹس کے مطابق گزشتہ 24 گھنٹوں میں اٹلی میں کورونا وائرس سے مزید 349 افراد ہلاک ہوئے ہیں جس کے بعد ہلاکتوں کی تعداد بھی 2158 ہوگئی ہے۔

خیال رہے کہ اٹلی میں اِس وقت لاک ڈاؤن جاری ہے اورسیکڑوں افراد کو قرنطینہ میں رکھا گیا ہے۔