گور نر بلو چستان نے لسبیلہ کو دو حصوں میں تقسیم کر نے کا نو ٹیفکیشن جا ری کر کے سیلاب متاثرین کے زخموں پر نمک پاشی کی ہے،قادر بخش جاموٹ

کوئٹہ ضلع لسبیلہ کے سابق وائس چیئر مین قادر بخش جاموٹ نے کہا ہے کہ گور نر بلو چستان نے لسبیلہ کو دو حصوں میں تقسیم کر نے کا نو ٹیفکیشن جا ری کر کے سیلاب متاثرین کے زخموں پر نمک پاشی کی ہے ،ضلع لسبیلہ کی تقسیم کو فوری طور پر واپس لیا جائے بصورت دیگر احتجاجی تحریک چلائیں گے ۔ یہ بات انہوں نے سابق کونسلر میونسپل کمیٹی بیلہ طارق علی بلوچ، امیر محمد ترین ایڈوکیٹ کے ہمراہ کوئٹہ پریس کلب میں پریس کانفرنس کر تے ہوئے کہی۔ انہوں نے کہاکہ لسبیلہ ایک گلدستے کی مانند ہے ،لسبیلہ کو دو حصوں میں تقسیم کر نے کا نو ٹیفیکیشن جا ری کرنا لسبیلہ کی عوام کے ساتھ زیادتی کے مترادف ہے جو کسی صورت قبول نہیں کریں گے ۔ انہوں نے کہاکہ لسبیلہ کو دو حصوں میں تقسیم کر نے کا ٹیفیکیشن جا ری کر نے کے بعد عوام میں غم وغصے کی لہر پائی جا رہی ہے اور لوگ شدید مشتعل ہیں ہم ضلع لسبیلہ کے امن کو کسی صورت خراب کر نے کی اجازت نہیں دیں گے ۔انہوں نے کہاکہ ضلع لسبیلہ کے عوام اپنا تن ، من دھن سب قر بان کر نے کو تیار ہیں لیکن ضلع لسبیلہ کو دو حصوں میں تقسیم ہو نے نہیں دیں گے ۔ انہوں نے کہاکہ لسبیلہ کے تقسیم کے حوالے سے بلو چستان ہائی کورٹ میں کیس زیر سماعت ہے ۔ انہوں نے سپریم کورٹ آف پاکستان ، بلو چستان ہائی کورٹ سمیت دیگر اعلیٰ حکام سے مطالبہ کیا ہے کہ فوری طو رپر ضلع لسبیلہ کو دوحصوں میں تقسیم کر نے کا نو ٹیفکیشن واپس لیا جائے بصورت دیگر ہم غیر معینہ مدت تک کے لئے احتجاج کی کال دیں گے ۔