شہزادہ ہیری اور میگھن مارکل کا نیٹ فلیکس سے معاہدہ: دونوں کو کتنی رقم ملے گی؟

(امروز نیوز)

اس معاہدے سے شاہی جوڑے کو 5 سے 10 کروڑ ڈالرز ملیں گے،

برطانوی شہزادے ہیری اور ان کی اہلیہ میگھن مارکل نے اسٹریمنگ ویب سائٹ نیٹ فلیکس کے ساتھ دستاویزی فلمیں اور شوز بنانے کا معاہدہ کرلیا۔

شاہی جوڑے نے رواں برس 9 مارچ کو باضابطہ طور پر شاہی حیثیت سے علیحدگی اختیار کرنے کے بعد کیلی فورنیا میں رہائش اختیار کر لی تھی۔

بلآخر ملکہ برطانیہ نے روٹھے شہزادے ہیری کو فون کردیا
خبر رساں ادارے نے اپنی رپورٹ میں بتایا کہ 2 ستمبر کو نیٹ فلیکس کی جانب سے جاری کردہ بیان میں تصدیق کی گئی کہ شہزادہ ہیری اور ان کی اہلیہ میگھن مارکل ان کے لیے فلمیں، شوز اور ویب سیریز پروڈیوس کریں گے۔

بیان کے مطابق نیٹ فلیکس اور شاہی جوڑے کے درمیان متعدد منصوبے پروڈیوس کرنے کا کئی سال کا معاہدہ طے پا گیا ہے، تاہم بیان میں معاہدے کی مدت اور دیگر شرائط نہیں بتائی گئیں۔