عوام اورفوج کے درمیان دوریاں پیدا کرنے کی ہر سازش ناکام ہوگی ،عبد القدوس بزنجو

کوئٹہ وزیراعلیٰ بلوچستان میر عبدالقدوس بزنجو نے کہا ہے کہ فوج ہماری شان اور آن ہے، فوج پر بے بنیاد الزامات سے قوم کے جذبات اور احساسات مجرو ح کرنے کی کوشش قابل مذمت ہے۔ اپنے بیان میں میر عبدالقدوس بزنجو نے کہا کہ فوج مثالی نظم و ضبط کا حامل ادارہ ہے، فوج کی پیشہ ورانہ صلاحیتوں کو عالمی سطح پر پذیرائی حاصل ہے، بہادری و جرات اور عزم و استقلال ہماری فوج کا طرہ امتیاز ہے۔میر عبدالقدوس بزنجو نے کہا کہ عوام اور فوج کے درمیان دوریاں پیدا کرنے کی ہر سازش ناکام ہوگی، فوج کو سیاست میں گھسیٹنا خطرناک رجحان ہے، فوج پر تنقید ملکی سلامتی کو دا ﺅپر لگانے کے مترادف ہے،عوام کل بھی فوج کے ساتھ تھی آج بھی ہے اور ہمیشہ ساتھ کھڑی رہے گی۔