ملک میں کورونا سے ہلاکتیں 107 ہوگئیں، مجموعی کیسز 5996 تک جا پہنچے

کوئٹہ (امروز نیوز)

ملک میں ہونے والی 107 ہلاکتوں میں سے سب سے زیادہ ہلاکتیں خیبر پختونخوا میں 38، سندھ میں 35، پنجاب میں 28 ، بلوچستان میں 2، گلگت 3 اور اسلام آباد میں ایک ہلاکت ہوچکی ہے۔

آج بروز بدھ اب تک ملک میں کورونا کے مزید 12 کیسز سامنے آئے ہیں جن میں سے اسلام آباد میں 9 اور آزاد کشمیر سے 3 کیسز رپورٹ ہوئے ہیں۔

وفاقی دارالحکومت سے آج کورونا کے مزید 9 کیسز سامنے آئے جو سرکاری پورٹل پر رپورٹ ہوئے ہیں۔

اسلام آباد میں نئے کیسز کے بعد متاثرہ مریضوں کی تعداد 140 ہوگئی ہے۔

آزاد کشمیر سے آج اب تک کورونا کے مزید 3 کیسز سامنے آئے جو سرکاری پورٹل پر رپورٹ ہوئے ہیں۔