صوبائی دارالحکومت کوئٹہ کے مختلف علاقوں میں سٹریٹ کرائم نے سراٹھا لیا

تفصیلات کے مطابق کوئٹہ شہر میں کراچی جیسے واقعات بڑھنے لگے اور آئے روز کوئٹہ کے مختلف علاقوں میں موٹر سائیکل سوار لوگوں سے اسلحہ کے زور پر نقدی اور موبائل فون چھین کر فرار ہو جاتے ہیں ان واقعات کے نرغے میں پچھلے دنوں دو صحافی بھی آگئے جن سے اسلحہ کے زور پر موبائل چھین اور نقدی چھین کر جبکہ ایک صحافی کو زخمی بھی کیا اسی طرح گزشتہ روز کوئٹہ کے معروف شاہراہ یعنی ڈپٹی کمشنر اور میٹروپولٹین جیسے دفاتر کے سامنے دو موٹرسائیکل سوار آکر ایک موٹر سائیکل سوار سے اسلحہ کے زور پر موبائل چھین کر باآسانی فرار ہو گئے واضح رہے کہ اس طرح واقعات پر میڈیا نے خبر بھی چلائی اور متعلقہ افسران سے ذاتی طورپر ملاقات بھی کی لیکن واقعات کم ہونے کی بجائے بڑھنے سے یہ معلوم ہورہا ہے کہ اس واقعہ میں اگر پولیس کارروائی نہیں کرتی تو شامل ہونے کا خدشہ ہے عوامی حلقوں نے وزیراعلیٰ بلوچستان میر عبدالقدوس بزنجو آئی جی پولیس بلوچستان عبدالخالق شیخ اور ڈی آئی جی پولیس سے مطالبہ کیا کہ کوئٹہ شہر میں اس طرح واقعات پر خاموشی سے آنے والے وقت نقصان دہ ہوسکتا ہے اب بھی وقت ہے کہ سٹریٹ کرائم جیسے واقعات کی روک تھام کیلئے بھرپور کارروائی کرکے عوام کو تحفظ فراہم کیا جائے۔