ریکوڈک معاہدہ دنیا کے سرمایہ کار وں کو بلوچستان کی جانب متوجہ کرے گا، میر عبد القدوس بزنجو

0 129

کوئٹہ وزیر اعلیٰ بلو چستان میر عبد القدوس بزنجو نے کہا ہے کہ ریکوڈک معاہدہ دنیا کے سرمایہ کار وں کو بلوچستان کی جانب متوجہ کرے گا،سرمایہ کاری کے فروغ کے لئے حکومتی پالیسی کو مزید جامع بنایا جائے،بلوچستان کو خود انحصاری کی راہ پر گامزن کئے بغیر ترقی کے اہداف حاصل نہیں ہو سکتے ۔ یہ بات انہوں نے بلوچستان پبلک پرائیویٹ پارٹنر شپ بورڈ کے اجلاس سے خطاب کر تے ہوئے کہی۔

اجلاس میں پارلیمانی سیکریٹری بشریٰ رند ،چیف سیکریٹری عبدالعزیز عقیلی اور بورڈ کے دیگر اراکین بھی موجود تھے۔ اجلاس کو بریفنگ دیتے ہوئے ایم ڈی پی پی پی یونٹ ڈاکٹر نور محمد بتایا کہ موجودہ حکومت نے سبقت حاصل کرتے ہوئے بی پی پی پی ایکٹ منظور کیا،دنیا بھر میں پی پی پی کے تحت حکومت اور نجی شعبہ کی شراکت داری کو فروغ مل رہاہے۔ انہوں نے بتایا کہ بلوچستان میں پی پی پی کے فروغ سے دنیا بھر سے سرمایہ کار بلوچستان کی جانب راغب ہونگے،بی پی پی پی بورڈ کے اراکین کی تعداد 12 جس میں 3 اراکین نجی شعبہ سے ہیں،پرائیویٹ پارٹنر شپ بورڈ کے پہلے اجلاس میں پی پی پی اتھارٹی کی ایگزیکٹو کمیٹی کے قیام ،بی پی پی پی اتھارٹی رولز 2022 ،بی پی پی پی اتھارٹی کے بجٹ اوربی پی پی پی اتھارٹی کے دیگر قانونی اور انتظامی امور کی بھی منظوری دے دی ۔

اس موقع پر پی پی پی کے تحت ابتدائی طور پر 15 منصوبوں کو قابل عمل بنانے کا فیصلہ کیا گیا، منصوبوں میں گرین بس سروس کوئٹہ ،گوادر میں 7 ایم جی ڈی سولر ڈی سیلینیشن پلانٹ،حب سپیشل اکنامک زون کی ترقی اور حب میں 100میگا واٹ سولر پارک ،بوستان سپیشل اکنامک زون کی ترقی و فعالی سمیت دیگر اہم منصوبے شامل ہیں ۔وزیر اعلیٰ بلو چستان میر عبد القدوس بزنجو نے کہا کہ بلوچستان کو خود انحصاری کی راہ پر گامزن کئے بغیر ترقی کے اہداف حاصل نہیں ہو سکتے خود انحصاری کے حصول کے لئے اپنے وسائل کی ترقی اور سرمایہ کاری کا فروغ ضروری ہے،بدقسمتی سے ماضی میں خود انحصاری کے حصول کی جانب توجہ نہیں دی گئی۔ انہوں نے کہاکہ ہم نے اپنی توجہ وسائل کی ترقی اور انہیں بلوچستان کی تعمیر و خوشحالی کے لئے برؤے کار لانے کی جانب مبذول کر رکھی ہے۔ انہوں نے ہدا یت کی کہ سرمایہ کاری کے فروغ کے لئے حکومتی پالیسی کو مزید جامع بنایا جائے،سرمایہ کاروں کو ہر قسم کی سہولیات اور ترغیبات دینے سے انکا اعتماد پختہ ہوگاریکو ڈک معاہدہ بلوچستان میں سرمایہ کاری کے فروغ کی جانب اہم پیش رفت ہے۔انہوں نے کہاکہ ریکوڈک معاہدہ دنیا کے سرمایہ کار وں کو بلوچستان کی جانب متوجہ کریگا۔

Leave A Reply

Your email address will not be published.