وڈھ ، خسرے کے مرض نے شدت اختیار کرلی، دو بچے جاں بحق

خضدار وڈھ کے علاقہ بھنڈو وڈھ میں ممکنہ خسرے کی مرض نے شدت اختیار کرلی دو بچے جاں بحق متعدد متاثر تفصیلات کے مطابق وڈھ کے علاقہ بھنڈو میں خسرہ سے دو بچے عبدالعزیز ولد بالاچ ساکن ڈھاڈراور ایک سالہ سائمہ بنت منیر احمد جاں بحق ہوگئے جب کہ متعدد بچے متاثر ہوگئے ہیں ضلعی منتظم صحت خضدار ڈاکٹر بشیر احمد بنگلزئی کے مطابق انتقال کرنے والے دونوں بچوں کا تعلق خضدار سے نہیں اس لیئے ان کا ویکسین ریکارڈ نہیں ان کا کہنا تھا کہ علاقائی حوالے سے جوں ہی ہمیں اطلاع ملی ڈاکٹر ظریف کی نگرانی میں طبی عملے پر مشتمل ایک ٹیم روانہ کیا گیا پیر کی شام تک تیس سے زائد متاثرہ بچوں کو ویکسین کیا گیا اور وٹامن اے کی قطرے پلوائے گئے انہوں نے کہا کہ حالات کنٹرول میں ہیں انہوں نے عوام الناس کو تنبیہ کی کہ وہ مختلف موذی امراض سے بچاو کے لئے جوہڑوں کا پانی ہرگز نہ پیئں بلکہ پانی ابال کر پی لیں۔