پنجگور بینکوں کی انتظامیہ یکم تاریخ سے قبل پنشن کی رقومات جمع کریں، پنشنرز

پنجگور  پنشنرر ایسوسی ایشن کے جاری بیان میں کہا گیا ہے کہ پنجگور کے مختلف سرکاری اور نجی بینک کے منیجرز کا رویہ متعصبانہ ہے پہلے پنشنرر کی رقومات یکم سے قبل 28 سے 30 تاریخ تک جمع ہوتی تھیں مگر بینک منیجر کی تبدیلی کے بعد نیا طریقہ اپنایا گیا ہے، پنشنرر کی پنشن یکم کے بعد جمع کی جارہی ہیں جس سے معمر عمر کے پنشنرر کو یکم اور اس کے چند روز رش کی وجہ سے مشکلات کا سامنا کرنا پڑتا ہے۔ پنشنرر نے اپیل کی ہے کہ یکم سے قبل پنشنرز کی پنشن جمع کی جائیں تاکہ رش کی وجہ سے معمر افراد کو مشکلات کا سامنا نہ کرنا پڑے، خصوصاً نیشنل بینک پنجگور برانچ، بینک الائیڈ پنشنرز کی پنشن یکم کے بعد جاری کرتے ہیں۔ انہوں نے بینک حکام سے اپیل کی ہے کہ پنشنرز کی مشکلات کو مد نظر رکھ کر یکم تاریخ سے قبل پنشن کی رقومات جمع کی جائیں کیونکہ یکم تاریخ سے بینکوں میں رش کی وجہ سے معمر افراد کو مشکلات کا سامنا کرنا پڑتا ہے۔ انہوں نے کہا کہ اگر بینکوں نے اپنا رویہ تبدیل نہ کیا تو پنشنرز بینکوں کیخلاف احتجاج کا حق محفوظ رکھتے ہیں۔