مون سون بارشوں کے پانی کو جلد نکالنے کے لئے فوری اقدامات کئے جائیں ،ڈپٹی کمشنر نصیرآباد محمد حسین

نصیرآباد  مون سون بارشوں کے پانی کو جلد نکالنے کے لئے فوری اقدامات کئے جائیں جن گلیوں اور محلوں میں پانی تاحال کھڑا ہے اسے مشینری کی مدد سے نکالا جائے نصیرآباد ضلعی انتظامیہ میونسپلٹی عملے کو مزید مشینری کی فراہمی کے لیے اقدامات کرے گی تاکہ ضلعی انتظامیہ کے اقدامات سے عوام براہِ راست مستفید ہو سکے ان خیالات کا اظہار ڈپٹی کمشنر نصیرآباد محمد حسین نے چیف آفیسر میونسپل کمیٹی حاجی خان جونیجو کو مشینری حوالگی کے موقع پر بات چیت کرتے ہوئے کیا اس موقع پر بابو اصغر علی رند بھی موجود تھے ڈپٹی کمشنر محمد حسین نے نکاسی آب نکالنے والی تین عدد مشینری اور دیگر سامان حوالے کیا انہوں نے کہا کہ حالیہ مون سون بارشیں اس بار بہت زیادہ ھونے کی وجہ سے پانی مختلف گلی محلوں میں کھڑا ہے جسے میونسپل کمیٹی کا عملہ نکالنے میں مصروف عمل ہے ضلعی انتظامیہ عملے اور آفیسران کی حوصلہ افزائی کے ساتھ ساتھ انہیں درپیش مسائل کے ازالے کے لئے بھی ہر ممکن اقدامات کو یقینی بنائے گی تاکہ عوامی مسائل میں کمی واقع ہوسکے انہوں نے چیف آفیسر کو ہدایت دیں کہ لوگوں کے مسائل کو حل کرنے پر فوری توجہ مبذول کریں جن علاقوں سے بارشوں کے پانی کے حوالے سے شکایات آرہی ہیں انہیں فوری طور پر حل کیا جائے میونسپلٹی عملے کو مزید مشینری کی فراہمی کے حوالے سے مشکلات درپیش ہیں جس کے بارے میں ہم بخوبی آگاہ ہیں مگر محدود وسائل کے باوجود عوام کی خدمت میں کوئی کسر نہ چھوڑیں۔