حکومت اور اتحادیوں کا فل کورٹ کے مطالبے سے پیچھے نہ ہٹنے پر اتفاق

وزیراعلیٰ پنجاب کے انتخاب میں ڈپٹی اسپیکر کی رولنگ سے متعلق کیس پر سپریم کورٹ میں جاری سماعت سے متعلق حکومت اور اتحادی جماعتوں کے بڑوں نے سر جوڑ لئے۔

وزیراعظم ہاﺅس میں حکمران اتحاد کے قائدین کا اہم مشاورتی اجلاس جاری ہے، جس میں حکومتی اور پی ڈی ایم قائدین نے فل کورٹ کے مطالبے سے پیچھے نہ ہٹنے پر اتفاق کیا ہے۔

اہم اجلاس میں وزیراعظم شہباز شریف، مولانا فضل الرحمان، بلاول بھٹو زرداری، مریم نواز شریف، ایم کیو ایم، قاف لیگ، اے این پی، باپ، بی این پی اور دیگر اتحادی جماعتوں کے قائدین شریک ہیں۔