فورسز دشمن کے ناپاک ارادوں کو خاک میں ملا دیں گے،فرح عظیم شاہ

کوئٹہ ترجمان حکومت بلوچستان فرح عظیم شاہ نے کوہلو کے علاقے جنتلی میں لیویز کی گاڑی پر لینڈ مائنز دھماکے کی شدید مذمت کرتے ہوئے دو لیویز اہلکاروں کی شہادت پر دکھ و افسوس کا اظہار کیا۔ انہوں نے کہا کہ دہشتگردوں کی جانب سے فورسز کے عزم کو متزلزل کرنے کی ناکام کوشش کی جا رہی ہے۔ قوم اپنی بہادر فورسز کے ساتھ ہے فورسز دشمن کے ناپاک ارادوں کو خاک میں ملا دیں گے. ترجمان صوبائی حکومت نے شہداءکے خاندانوں سے ہمدردی و تعزیت کا اظہار کرتے ہوئے شہید اہلکاروں کے درجات کی بلندی اور لواحقین کیلئے صبر جمیل کی دعا کی. انہوں نے زخمیوں کی جلد صحتیابی کیلئے بھی دعا کی۔