حکومت بلوچستان میں ایک مضبوط لابی جس کی سربراہی اخترمینگل ٹولہ کررہاہے ،مولا ناہدایت الرحمان بلوچ

جماعت اسلامی بلوچستان کے صوبائی جنرل سیکرٹری حق دو تحریک کے قائد مولا ناہدایت الرحمان بلوچ نے کہاکہ حکومت بلوچستان میں ایک مضبوط لابی جس کی سربراہی اخترمینگل ٹولہ کررہاہے جس کی کوشش ہے کہ مولانا ہدایت الرحمان بلوچ کو کبھی رہائی نہ ملے اس کے ساتھ عبدالغفور کلمتی کے فرزندوں کی خواہش وکوشش بھی یہی ہے کہ مولانا کوراستے سے ہٹھایاجائے کیونکہ یہ لوگ سیاسی عوامی میدان میں ناکام ہونے کے بعد کچھ قوتوں کے تعاون سے اپنے مذموم مقاصد حاصل کرنے کی کوشش کررہے ہیں یہ لوگ حق دوتحریک کی جدوجہد کو دباناچاہتے ہیں

تاکہ ٹرالرزمافیازاور بارڈرمافیازسے ماہانہ کروڑوں کا بھتہ بندنہ ہو غریب اپنے مسائل کیلئے ہمیشہ میر اورسردار کے بیٹھک اوردیوان کا ہی رخ کریں ۔ان خیالات کا اظہارانہوں نے وفد سے ملاقات کے دوران گفتگومیں کیاانہوں نے کہاکہ گوادر وبلوچستان پرمسلط ٹولے ومافیازچاہتے ہیں کہ غریب کا بچہ ہمیشہ جاہل رہے روزگارکیلئے دردرکی ٹھوکریں کھاتے رہے مریض ہسپتال میں تڑپتارہے

ماﺅں کے لخت جگر منشیات کا شکار ہوکر ذہنی اورجسمانی طور پر مفلوج ہوجائے ۔بلوچ فرزندلاپتہ ہوتے رہے اوران کی مسخ شدہ لاشیں ملتی رہے جبکہ ان ظالموں کے برخلاف ہم حق دوتحریک ہمیشہ ان مظالم کا خاتمہ چاہتی ہے اس لیے اس گناہ کے پاداش میں ہم پر بدترین تشددکرکے جھوٹے مقدمات بناکرقید میں ڈالا گیا لیکن بہادر عوام کی ہمت وجرات اور حوصلے کو سلام پیش کرتا ہوں کہ غیرت مند عوام نے تمام ترمشکلات ،گھروں میں چھاپوں ،گرفتاریوں اورجھوٹے مقدمات کے باوجودثابت قدمی کیساتھ میدان میں کھڑے رہے اور ثابت کیا کہ یہی لوگ سرزمین بلوچستان کے اصل وارث ہیں اور کسی صورت اپنے حقوق سے دستبردار نہیں ہوں گے ۔انشاءاللہ یہ مشکلات کے چند دن بھی

جلد گزرجائیگی اور حسین واڈیلا کی قیادت میں حق دوتحریک کی جدوجہد مزید جوش وخروش سے جاری رہے گی ساحل بلوچستان کی حفاظت ،بارڈرکے کاروبار کے تحفظ ،عوام کی تعلیم ،علاج ،روزگار اور عزت وغیرت کی پاسداری کی خاطراسی جذبے وجنون کیساتھ آگے بڑھیں گے ۔خوش خبری دیتا ہوں کہ ہم کامیاب ہوں گے اورباطل ،مکار ،ڈاکو،دجال ناکام ونامرادہوں گے ۔عوام وکارکنان مایوس خوفزدہ نہ ہوہمت کم نہ کریں بلوچستان کے وسائل کے مالک ہم ہیں اور ہم ہی رہیں گے ۔عوام مطمئن رہے انشاءاللہ وقت ثابت کریگا کہ مولانا ہدایت الرحمان بلوچ ایک انچ بھی اپنے مطالبات سے پیچھے نہیں ہٹھیگا نہ کسی سے معافی مانگے گا اور نہ کسی سے کسی سے اپنی رہائی کا بھیک مانگوں گا جعلی جھوٹے مقدمات کامقابلہ قانونی سیاسی میدان میں کریں گے اورانشاءاللہ جیت عوام کی ہوگی۔عوام خصوصی دعاﺅں کا اہتمام کریں ۔