مغربی ممالک افغانستان میں خواتین کی حالت زار کو نظر انداز نہ کریں، ملالہ یوسف زئی

اسلام آباد  نوبل انعام یافتہ ملالہ یوسف زئی نے مغربی ممالک کی حکومتوں سے مطالبہ کرتے ہوئے کہا ہے کہ مغربی ممالک افغانستان میں خواتین کی حالتِ زار کو نظر انداز نہ کریں۔نوبل انعام یافتہ خواتین کے حقوق کی کارکن ملالہ یوسف زئی نے اپنے بیان میں کہا کہ سب نے میری کہانی سنی ہے، آپ کو ملالہ کی کہانی بھی معلوم ہے لیکن یہ کوئی منفرد کہانی نہیں۔انہوں نے کہا کہ یہ لاکھوں افغان لڑکیوں کی کہانی ہے جن میں لیڈر بننے اور تبدیلی لانے کی صلاحیت موجود ہے۔ملالہ یوسف زئی نے کہا کہ افغانستان کی ان خواتین کو اپنی زندگی میں آگے بڑھنے کیلئے تعلیم جیسے مواقع کی ضرورت ہے۔