دادؤ گرڈ اسٹیشن کو محفوظ بنانے کیلئے اقدامات لائق تحسین ہیں،وزیراعظم

وزیراعظم میاں محمد شہباز شریف نے سول اور عسکری حکام کے تعاون پر شکریہ ادا کرتے ہوئے کہا ہے کہ دادو گرڈ اسٹیشن کو محفوظ بنانے کیلئے 36 گھنٹے میں بند باندھنا لائق تحسین ہے۔

مائیکرو بلاگنگ سائٹ پر وزیراعظم میاں محمد شہباز شریف کا اپنے بیان میں کہنا تھا کہ دادو گرڈ اسٹیشن کی سیلاب سے حفاظت کے لئے سول اور ملٹری حکام کے تعاون سے 36 گھنٹے میں 3 کلومیٹر کا بند باندھنا لائق تحسین اقدام ہے۔

شہباز شریف نے مزید کہا کہ رتو ڈیرو اور خضدار کے درمیان ایم 8 پر لینڈ سلائیڈنگ ہٹا کر بلوچستان کی آخری شاہراہ کو بھی ٹریفک کے لئے بحال کرنے پر این ایچ اے کی ٹیم کو شاباش دیتا ہوں۔