حکومت گوادر کے پرامن عوام کیساتھ تشدد کا راستہ ترک کرے، امان اللہ کنرانی

کوئٹہ سپریم کورٹ بار ایسوسیشن کے سابق صدر امان اللہ کنرانی نے ایک بیان میں کہا ہے کہ گوادرمیگا پروجیکٹ کا مطالبہ 1997ء میں بی این پی کے سینیٹر حبیب جالب مرحوم نے سینٹ میں کیا، پھر2004ء سے بی این پی سمیت ہم سب چار جماعتی اتحادکے ذریعے گوادرکی ترقی کے نام پر بلوچ کی شناخت مٹانے کیخلاف متحد ہوئے، گوادر کا حق دو تحریک کے ذریعے موثر، پرامن عوامی تائید سے احتجاج بی این پی اتحادی حکومت لرزاں، رکاوٹ، تشدد کیوں ہم حکومت و ریاست کے گوادر عوام کیخلاف تمام ہتھکنڈوں کو مسترد کرتے ہوئے تشدد کا راستہ ترک کرنے کا مطالبہ کرتے ہیں۔ اظہار رائے کے حق کی راہ میں تمام رکاوٹوں کی مذمت کرتے ہوئے تمام اسیروں کی رہائی کا مطالبہ کرتے ہیں۔