امریکی گلوکارہ ماریہ کیری پر 2 کروڑ ڈالر ہرجانے کا دعویٰ دائر
ماریہ کیری نے مشہور زمانہ ’’آل آئی وانٹ فار کرسمس اِز یُو‘‘ گایا تھا جس پر تین دہائیوں بعد کاپی رائٹ کا الزام لگایا گیا ہے۔
1994 میں ریلیز ہونے والا یہ گانا عالمی سطح پر بےحد مقبول ہوا تھا اور آج بھی کرسمس کے بہترین گانوں میں شمار ہوتا ہے۔
نغمہ نگار اینڈی اسٹون نے ہرجانے کا مقدمہ دائر کرتے ہوئے دعویٰ کیا کہ امریکی گلوکارہ اور ان کے ساتھی والٹر نے ’’جان بوجھ کر اور ارادتاً‘‘ میرے گانے کی نقل کی۔
امریکا کی ڈسٹرکٹ کورٹ میں داخل کی گئی قانونی دستاویزات کے مطابق اینڈی اسٹون کا کہنا ہے کہ انہوں نے اسی نام سے ایک گانا تحریر کیا تھا اور اسے استعمال کرنے کی اجازت نہیں دی تھی۔
