میرے بعد کس کو ستاؤ گے، میرے مرنے کےبعد یہ گانا ضرور گا لینا

0 109

 کراچی: رکن اسمبلی اور معروف اینکر ڈاکٹر عامر لیاقت کی اچانک موت پر جہاں پوری قوم افسردہ ہے وہیں سوشل میڈیا پر مرحوم کو یاد کرتے ہوئے اُن کی یادگار ویڈیوز شیئر کی جارہی ہیں۔

سماجی رابطے کی سائٹ انسٹاگرام پر ایکسپریس انٹرٹینمنٹ کے پروگرام کی ایک ویڈیو وائرل ہورہی ہے جس میں دیکھا جاسکتا ہے کہ عامر لیاقت حسین گلوکار احمد جہانزیب سے کہتے ہیں کہ جب میں اس دنیا میں نہ رہوں تو میرے لیے ’’میرے بعد کس کو ستاؤ گے‘‘ گانا لازمی گا لینا۔

انہوں نے کہا کہ اس گانے سے مجھے سکون ملے گا اور جب میں رہوں گا ہی نہیں تو لوگ کس کو ستائیں گے، جس طرح میں سب کو برداشت کرتا ہوں، ایسے کوئی دوسرا شخص برداشت نہیں کرسکے گا۔

ویڈیو میں دیکھا جاسکتا ہے کہ عامر لیاقت حسین، گلوکار احمد جہانزیب سے اپنے انتقال کے بعد کی خواہش کا اظہار کررہے تھے جبکہ اس موقع پر اداکارہ نوشین شاہ بھی موجود تھیں۔

یاد رہے کہ جمعرات کو عامر لیاقت حسین کراچی میں اچانک انتقال کرگئے تھے جبکہ 10 جون کو اُن کی تدفین کی گئی۔

عامر لیاقت حسین کی زندگی میں سوشل میڈیا پر اُنہیں بےحد تنقید کا نشانہ بنایا گیا تھا جس کے باعث وہ شدید ڈپریشن میں مبتلا تھے۔

Leave A Reply

Your email address will not be published.