میڈیا نہ صرف انٹرٹینمنٹ کا ذریعہ ہے بلکہ علم ومعلومات تک رسائی کا موثر وسیلہ بھی ہے، گورنر بلوچستان

کوئٹہ (امروز ویب ڈیسک) گورنربلوچستان سید ظہور احمد آغا نے کہا ہے کہ پاکستان کا اپنے ہمسایہ ممالک کے ساتھ دوستانہ اور خوشگوار تعلقات قائم رکھنے میں بہت اہم کردار رہا ہے. پاکستان اور ایران دو برادر ممالک ہیں جن کے درمیان تاریخی، ثقافتی اور اقتصادی روابط ہیں اور دونوں ممالک کے درمیان کئی نئے شعبوں میں مزید تعلقات قائم کرنے کے روشن امکانات موجود ہیں. ان خیالات کا اظہار انہوں منگل کے روز گورنرہاوس کوئٹہ پاکستان میں تعینات ایرانی قونصل جنرل حسن درویشوند سے ملاقات میں بات چیت کرتے ہوئے کیا. ملاقات کے دوران خطے کی مجموعی صورتحال، پاک-ایران کے درمیان سرحدی تجارت اور پائیدار امن کیلئے مشترکہ کاوشوں سمیت باہمی دلچسپی کے امور پر تبادلہ خیال کیا گیا.

اس موقع پر گورنر بلوچستان سید ظہور احمد آغا نے کہا کہ تاریخ میں پہلی مرتبہ وزیراعظم پاکستان عمران خان کے ویژن کے مطابق پاک ایران سرحد کے قریب تجارتی مارکیٹس اور کراسنگ پوائنٹس پر توجہ دی جارہی ہے. اجلاس میں دونوں رہنما¶ں نے پاکستان اور ایران کے درمیان باہمی تجارت کے فروغ اور دیگر متعلقہ کئی امور پر مذاکرات جاری رکھنے پر اتفاق کیا گیا گورنربلوچستان سید ظہور احمد آغا نے نے کہا ہے کہ میڈیا ریاست کا چوتھا ستون ہے اور عوام کے افکار اور رویوں گہرے اثرات مرتب کر رہا ہے. میڈیا نہ صرف انٹرٹینمنٹ کا ذریعہ ہے بلکہ علم ومعلومات تک رسائی کا موثر وسیلہ بھی ہے

. گورنر بلوچستان نے کہا کہ پاکستان ٹیلی ویژن کوئٹہ اور پی ٹی وی بولان کی رونق دوبارہ بحال کرنے اور خاص کر اینکر پرسنز کے درپیش مشکلات کے پائیدار حل کیلئے بہت جلد ٹھوس اقدامات اٹھائے جائیں گے. ان خیالات کا اظہار انہوں نے منگل کے روز گورنرہاوس کوئٹہ میں عثمان لہڑی کی قیادت میں پی ٹی وی بولان کے اینکر پرسنز اور آرٹسٹس سے ملاقات کے دوران گفتگو کرتے ہوئے کیاہمارے پی ٹی وی اینکر پرسنز اور آرٹسٹس کی پشتو، بلوچی اور براہوی زبان و ثقافت کے فروغ و ترویج کے حوالے سے نہ صرف گراں قدر خدمات ہیں

بلکہ وہ پوشیدہ صلاحیتوں سے بھی معمور ہیں لہٰذا ضروری ہے کہ ان کی پوشیدہ صلاحیتوں میں نکھار پیدا کرنے کیلئے مناسب مواقع اور ضروری سہولیات فراہم کیا جائے. گورنر بلوچستان نے پی ٹی وی بولان کے اینکر پرسنز کی معاشی ناآسودگی کے خاتمے اور انکے فن کی ترقی اور پذیرائی پر توجہ دینے کی ضرورت پر بھی زور دیا